| NEU im MITGLIEDER-Teil:
Einige Teile des «Moduls Navigation» (Themä-Siitä) sind schon fertig: Ausserdem habe ich im Menü «Themä-Siitä» ein neues Untermenü installiert, es heisst «Bildli» und genau das findet man dort! Und es geht weiter… |
| Hacker aller Länder, vergnügt Euch!!!
Unterdessen habe ich bereits einige Schutzmassnahmen gegen Fremdeingriffe eingeführt und wer zum Mitgliederkreis gehört, wurde entsprechend informiert. Ja, ja, eben: «brave new world»! |
Grüezi wohl uf dä gebowa-Websiite
Aso, das da isch mini (WordPress)-«BLOG»-Siitä (Si isch zwar eher «museal» als «BLOG», aber WordPress isch s´grundlegänd «Content Management System» – und das isch ja eigentlich für BLOG-Siitä vorg´seh.
Da chamer, wämer dänn will, ächli öppis über mich erfahre. Ich ha zwar diä Siitä vor allem emal zum Teschtä bbrucht, aber underdessä hät sich doch der eint oder ander Biitrag iig’schlichä. Und so lani si halt schtah, mini Web-Siitä und bouä si ab und zuä sogar echli uus. Wär möchti chönne sini Meinig kundtue, mues sich allerdings zeerscht aamälde (Mitgliedschaft beaaträge über s‘ Kontaktformular)! Mängisch chumi sogar dezue, sonä-n-Aamäldig freiz’schaltä (oder eifach ohni Kommentar abz’lehnä).
Ich wünsche vill Vergnüegä bim Dureschtööberä!
AH JA, NO ÖPPIS: Ich ha uf derä Siitä Biiträg imene-n-öffentliche Teil, aber au imene privatä (Mitglieder-) Teil. Wämer nöd Mitglied isch, cha’s eim passierä, dass mer plötzlich, anstatt en Biitrag z‘ gsee, wider uf dä «WP Home»-Siitä landet. Das isch nöd en Fähler, sondern halt ebä zum dä Mitgliederteil z‘ schütze. Wer gärn au deet wet inäluegä, cha über s‘ Kontaktformular ä Mitgliedschaft beaaträgä!
Ich hoffä, s’hät s’eint oder ander, wo vilicht sogar echli interessant isch, wer weiss!
Wär das Züritüütsch-Chuderwälsch nöd verschtaht … (Wer dieses Zürcher Dialekt Kauderwelsch nicht versteht, kann sich den Inhalt dieser Willkommens-Seite auch in Hochdeutsch oder Englisch anschauen: Alternativ_WP_Home.)
gebowa
P.S. Übrigens, min Namä-n-isch Geri Boller und ich wonä-n-im schönä Züri-Oberland, a de Schtraass wo heisst wiä dä Huusbärg i däm Dorf womär cha i Richtig Laupä, oder i Richtig Gibswil, oder uf Rüti oder in Hasi ufä-n-abhauä. Ja genau, dä Namä hät öppis mit villnä Böim z’tue, wär meh mues wüssä, chamer ja ä chliini Botschaft übers Kontaktformular schickä, jetzt tuets wider! (Und wer’s nonig weiss, cha au im «Footer» go naaluegä).
The History of the Universe in 24 hours – Ben Moore
EEP-Galerien
